Թոմաս Բախը Միջազգային օլիմպիական կոմիտեի նախագահ ընտրության միակ թեկնածուն է
16:45, 2 Դեկտեմբեր 2020
ԵՐԵՎԱՆ, 2 ԴԵԿՏԵՄԲԵՐԻ, ԱՐՄԵՆՊՐԵՍ: Օլիմպիական խաղերի չեմպիոն Թոմաս Բախը Միջազգային օլիմպիական կոմիտեի նախագահ ընտրության միակ թեկնածուն է:
«Արմենպրես»-ի հաղորդմամբ` այս մասին հայտնում է ՀԱՕԿ-ը: Միջազգային օլիմպիական կոմիտեի անդամները տեղեկացվել են կազմակերպության նախագահի ընտրության մասին: Այդ պաշտոնին հավակնում է ՄՕԿ-ի ներկայի ղեկավար Թոմաս Բախը։ Նա իր մտադրության մասին հայտնել էր դեռևս ամռանը։ Թեկնածուների առաջադրման ժամկետն ավարտվել է նոյեմբերի 30-ին: Այլ դիմողներ չեն գրանցվել:
Ընտրությունները տեղի կունենան ՄՕԿ-ի 137-րդ նստաշրջանում, որը նշանակված է Աթենքում ՝ 2021թ․ մարտի 10-12-ը:
Բաժանորդագրվեք մեր ալիքին Telegram-ում