ՀՀ արտգործնախարարը Ջորկաեֆին շնորհակալություն է հայտնել Արցախի ժողովրդին աջակցելու համար
20:34, 1 Դեկտեմբեր 2020
ԵՐԵՎԱՆ, 1 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ Արտաքին գործերի նախարար Արա Այվազյանն ընդունել է Հանուն Հայաստանի բարի կամքի դեսպան, աշխարհահռչակ հայազգի ֆուտբոլիստ, աշխարհի և Եվրոպայի չեմպիոն Յուրի Ջորկաեֆին: «Արմենպրես»-ի փոխանցմամբ՝ այս մասին Այվազյանը գրել է «Թվիթեր»-ի իր էջում:
«Ընդունեցի Բարի կամքի դեսպան Յուրի Ջորկաեֆին: Իմ խորին շնորհակալությունն եմ հայտնել Ֆրանսիային և Ֆրանսիայում հայ համայնքին՝ Արցախի ժողովրդին ցուցաբերած համերաշխության և աջակցության համար, ինչը խորհրդանշում է մեր երկու ժողովուրդների միջև ամուր և եղբայրական հարաբերությունները»,- գրել է Այվազյանը:
Յուրի Ջորկաեֆը Հայաստան է ժամանել նոյեմբերի 27-ին՝ ֆրանսիական հումանիտար օգնության երկրորդ ինքնաթիռով:
Բաժանորդագրվեք մեր ալիքին Telegram-ում