Դավիդ Յուրչենկոն հեռացել է Կարագանդայի «Շախտյոր»-ից
ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի դարպասապահ Դավիդ Յուրչենկոն հեռացել է ակումբից:
«Արմենպրես»-ի հաղորդմամբ` այս մասին գրում է Sport.kz-ն: Յուրչենկոն չի շարունակի աշխատանքը Կարագանդայի «Շախտյոր»-ում: Դարպասապահի պայամագիրը ղազախական ակումբի հեռ նախատեսված էր մինչև ընթացիկ տարվա դեկտեմբերի 31-ը: Կարագանդայի «Շախտյորի» կազմում Յուրչենկոն հանդես է եկել 7 խաղում:
Դավիթ Յուրչենկոն ծնվել է 1986 թվականի մարտի 27-ին՝ Աշխաբադում (Թուրքմենստանի ԽՍՀ)։ Խաղային կարիերայում հանդես է եկել հետևյալ ակումբներում` «Տիտան» (Մոսկվա, Ռուսաստան) – 2004, «Մետալուրգ» (Լիեպայա, Լատվիա) – 2005-2006, «Դինամո» (Մինսկ, Բելառուս) – 2007, «Կռիլյա Սովետով» (Սամարա, Ռուսաստան) – 2008-2011, «Վոլգար» (Աստրախան, Ռուսաստան) – 2010, «Մորդովիա» (Սարանսկ, Ռուսաստան) – 2012-2013, «Ուֆա» (Ռուսաստան) – 2013-2016, «Անժի» (Մախաչկալա, Ռուսաստան) – 2016-2017, «Տոսնո» (Ռուսաստան) – 2017-2018, «Ենիսեյ» (Կրասնոյարսկ, Ռուսաստան) – 2018-2019:
Բաժանորդագրվեք մեր ալիքին Telegram-ում