Ըմբիշները սկսում են նախապատրաստվել աշխարհի գավաթի անհատական խաղարկությանը
13:49, 30 Նոյեմբեր 2020
ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ըմբշամարտի հավաքականները սկսում են աշխարհի գավաթի անհատական խաղարկության նախապատրաստական վերջին փուլը:
«Արմենպրես»-ի հաղորդմամբ` այս մասին հայտնում է ֆեդերացիան: Հունահռոմեական ոճի ըմբշամարտի Հայաստանի հավաքականը նոյեմբերի 30-ից «Օլիմպավանում» սկսել է վերջին ուսումնամարզական հավաքը՝ Աշխարհի գավաթից առաջ: Դեկտեմբերի 1-ին էլ իրենց վերջին հավաքը կսկսեն ազատ ոճայինները:
Հիշեցնենք, որ ըմբշամարտի Աշխարհի անհատական գավաթի խաղարկությունը կկայանա դեկտեմբերի 12-18-ը Բելգրադում:
Բաժանորդագրվեք մեր ալիքին Telegram-ում