Երևանում՝ 11:07,   19 Մարտ 2024

Մարդու իրավունքների խախտումներ պարունակող ադրբեջանական տեսանյութերում հարազատներին ճանաչած անձանց ՔԿ-ն խնդրում է դիմել իրենց

Մարդու իրավունքների խախտումներ պարունակող ադրբեջանական տեսանյութերում 
հարազատներին ճանաչած անձանց ՔԿ-ն խնդրում է դիմել իրենց

ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ: Բոլոր այն անձինք, ովքեր համացանցում մարդու իրավունքների խախտումներ պարունակող ադրբեջանական տեսագրություններում ճանաչել են իրենց հարազատներին և դեռևս նրանց մասնակցությամբ քննչական գործողություններ չեն իրականացվել, ՀՀ քննչական կոմիտեն խնդրում է դիմել իրենց:  «Արմենպրես»-ի հաղորդմամբ, ՀՀ քննչական կոմիտեն տեղեկացնում է, որ քրեագիտական վարչությունում շարունակվում է Արցախի Հանրապետության շփման գծի ողջ երկայնքով Ադրբեջանի Հանրապետության ռազմաքաղաքական ղեկավարության կողմից սանձազերծված և վարվող ագրեսիվ պատերազմի, միջազգային ահաբեկչության, զինված ընդհարումների ժամանակ միջազգային մարդասիրական իրավունքի նորմերի լուրջ խախտումներ համարվող արարքներ կատարելու, զինված ընդհարման ժամանակ հանցավոր հրաման արձակելու, վարձկանության դեպքերով հարուցված քրեական գործի նախաքննությունը, որի շրջանակներում ՀՀ քննչական կոմիտեի և ՀՀ ազգային անվտանգության ծառայության քննչական դեպարտամենտի ծառայողներից բաղկացած քննչական խմբի կողմից իրականացվում են մեծածավալ քննչական և այլ դատավարական գործողություններ:

«Նախաքննության ընթացքում, ի թիվս այլնի, վարույթն իրականացնող մարմնի կողմից քննության առարկա են դարձվում նաև Արցախի Հանրապետության պաշտպանության բանակի՝ ռազմագերու կարգավիճակում գտնվող զինծառայողների, ինչպես նաև` քաղաքացիական բնակչության նկատմամբ միջազգային մարդասիրական իրավունքի նորմերի լուրջ խախտումներ համարվող արարքների՝ սպանությունների, խոշտանգումների, անմարդկային ու արժանապատվությունը նվաստացնող վերաբերմունքի բոլոր դեպքերը: Բոլոր այն անձինք, ովքեր համացանցում տարածված տեսագրություններում ճանաչել են իրենց հարազատներին և դեռևս նրանց մասնակցությամբ քննչական գործողություններ չեն իրականացվել, խնդրում ենք դիմել ՀՀ քննչական կոմիտեի քրեագիտական վարչություն՝ (011)88-00-94 և (011)88-00-21 հեռախոսահամարներով»,-ասված է հաղորդագրությունում:

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]