Ժամանակը Երևանում՝ 11:07:36,   24 Հունվար

Թուրքիայի «Ժողովրդա-դեմոկրատական» կուսակցության պատգամավորը մեղադրվում է ահաբեկչական գործունեություն ծավալելու մեջ

Թուրքիայի «Ժողովրդա-դեմոկրատական» կուսակցության պատգամավորը մեղադրվում 
է ահաբեկչական գործունեություն ծավալելու մեջ

ԵՐԵՎԱՆ,26 ՆՈՅԵՄԲԵՐԻ,ԱՐՄԵՆՊՐԵՍ:Թուրքիայի «Ժողովրդա-դեմոկրատական» կուսակցության պատգամավոր Քեմալ Բյուլբյուլը դատապարտվել է 6 տարի 3 ամիս ազատազրկման՝ զինված ահաբեկչական կազմակերպության անդամակցելու համար: Նա մեղադրվում է «Դեմոկրատական հասարակության կոնգրեսին» ադամակցելու ու ահաբեկչական ծրագրերին օժանդակելու մեջ:

Դիարբեքիրի ծանր հանցագործությունները քննող 4-րդ քրեական դատարանում կայացած դատավարության ժամանակ ամբաստանյալի փաստաբան Ջաֆեր Քոլումանը պահանջել է կասեցնել իր պաշտպանյալի դատավարությունը`հիմնվելով Թուրքիայի սահմանադրության 83-րդ հոդվածի վրա,որով պատգամավորն ունի անձեռնմխելիություն:

«Դեմոկրատական հասարակության կոնգրեսը» որևէ ապօրինի գործունեությամբ չի զբաղվում և իրավական մակարդակում աշխատող հարթակ է: Պետք է հիմնվել այդ փաստի վրա և դադարեցնել դատավարությունը»,- «Արմենպրես»-ի հաղորդմամբ ՝ նշել է Քոլումանը:

Դատարանը մերժել է դատավարությունը կասեցնելու մասին հայցը և շարունակել է  այն:

Հերմինե Մինասյան





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ