Այրվել է բեռնատար ավտոմեքենայի շարժիչի հատվածը
09:32, 25 Նոյեմբեր 2020
ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ: Արագածոտնի մարզային ճգնաժամային կառավարման կենտրոն նոյեմբերի 24-ին, ժամը 22։27-ին ահազանգ է ստացվել, որ Ուշի-Ապարան ավտոճանապարհին այրվում է բեռնատար ավտոմեքենա։ «Արմենպրես»-ին այս մասին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Հրդեհը մեկուսացվել է ժամը 22:50-ին, մարվել՝ 23:19-ին:
Պարզվել է, որ Աշտարակ-Ուշի ավտոճանապարհի 8-րդ կմ-ին այրվել է ապակու հումքով բեռնված «MAN» մակնիշի բեռնատարի (վարորդ՝ Զուրա Բ․) շարժիչի հատվածը՝ մասնակի։
Բաժանորդագրվեք մեր ալիքին Telegram-ում