1000х90.jpg (78 KB)

Երևանում՝ 11:07,   29 Մարտ 2024

Թուրքիայում կորոնավիրուսի հաստատված դեպքերի թվերը չեն համապատասխանում իրականությանը․ Ֆաթիհ Ալթայլը

Թուրքիայում կորոնավիրուսի հաստատված դեպքերի թվերը չեն համապատասխանում 
իրականությանը․ Ֆաթիհ Ալթայլը

ԵՐԵՎԱՆ, 19 ՆՈՅԵՄԲԵՐԻ, ԱՐՄԵՆՊՐԵՍ: Թուրք լրագրող, սյունակագիր Ֆաթիհ Ալթայլըն կասկածի տակ է դրել Թուրքիայի առողջապահության նախարարության կողմից հրապարակվող նոր տիպի կորոնավիրուսային վարակի (Covid-19) օրական դեպքերի թվերի հավաստիությունը՝ նշելով, որ միայն ինքն անձամբ ճանաչում է այդքան թվով հիվանդի։ Ինչպես հաղորդում է  «Արմենպրես»-ը՝ վկայակոչելով թուրքական Demokrat Haber լրատվական կայքը, Ալթայլըն ելույթ է ունեցել նախագահ Ռեջեփ Թայիփ Էրդողանի կողմից համավարակի դեմ նոր սահմանափակումների հայտարարությունից հետո։

Ֆաթիհ Ալթայլըն ասել է․ «Վարակի բացահայտման համար ՊՇՌ թեստ հանձնած մարդկանց ավելի քան 20%-ի մոտ դրական ցուցանիշի մասին է նշվել: Եթե հաշվի առնենք, որ այսօր թեստերի քանակը 156 հազար է, ՊՇՌ թեստի դրական թիվը պետք է լինի մոտ 50 հազար: Սակայն հրապարակված թիվը 3819 է, այն կարծես ծաղրի ողջ թուրք ժողովրդին և հասարակությանը։ 3819 հիվանդի անձամբ ես եմ ճանաչում։ Մեր պետությունը այս ոչ համոզիչ պատկերով  ո՞ւմ է ցանկանում խաբել և ի՞նչ է ուզում անել: Արդյո՞ք նման ցածր թվերը հիմնական պատճառներից մեկը չեն այն ինքնագոհության, որի հետ մենք գործ ունենք մինչև օրս և որի համար մեղադրում ենք հասարակությանը: Մի՞թե հարց չի առաջանում՝ եթե հիվանդության թվերն այսքան քիչ են, ինչո՞ւ են ձեռնարկել այս միջոցառումները»:

Թուրքիայում վերջին օրերին ուժգնորեն աճում են կորոնավիրուսային համավարակի արձանագրված դեպքերի թվերը։ Պաշտոնական տվյալներով` նոյեմբերի 18-ին գրանցվել է կորոնավիրուսային վարակման 4215 նոր դեպք, 116 հոգի մահացել է։ Ընդհանուր առմամբ Թուրքիայում կորոնավիրուսով վարակվել է 425,628, իսկ մահացել է 11,820 մարդ։

Էմմա Արդարյան


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]