ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Ռուսաստանի Դաշնությունում վերջին մեկ օրում հայտնաբերված COVID-19 կորոնավիրուսային վարակի դեպքերի թիվն առաջին անգամ գերազանցել է 22 հազարը՝ կազմելով 22 702, ընդհանուր թիվը հասել է 1 մլն 903 253-ի:

Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ն, լրագրողներին հայտնել են կորոնավիրուսային վարակի տարածման դեմ պայքարի օպերատիվ շտաբում։

«Վերջին մեկ օրում Ռուսաստանում հաստատված դեպքերը հայտնաբերվել են 85 շրջանում: Թիվը կազմել է 22 702, որից 5 730-ն` առանց կլինիկական դրսևորումների»,- ասվում է հաղորդագրության մեջ:

Նշում են նաև, որ կորոնավիրուսi տարածման առաջին օրվանից երկրում հաստատվել է 1 մլն 903 հազար 253 դեպք, որից առողջացել է 1 մլն 425 հզար 529 քաղաքացի, իսկ մահացել 32 834-ը: