Ժամանակը Երևանում՝ 11:07:36,   1 Դեկտեմբեր

ԱԱՏՄ ստուգայցը Երեւանում կանոնների պահպանման բարվոք պատկեր, սակայն նաեւ խնդիրներ է գրանցել

ԱԱՏՄ ստուգայցը Երեւանում կանոնների պահպանման բարվոք պատկեր, սակայն նաեւ 
խնդիրներ է գրանցել

ԵՐԵՎԱՆ« 31 ՀՈԿՏԵՄԲԵՐի, ԱՐՄԵՆՊՐԵՍ: Ավելի քան 500 ստուգայց վերջին 2 օրում՝ ողջ Երեւանում.  ԱԱՏՄ ուժեղացված ստուգայցերը երկրորդ օրն է՝ մայրաքաղաքում անցկացվում են միանգամից բոլոր վարչական շրջաններում։

Ինչպես «Արմենպրես»-ին հայտնեցին առողջապահական եւ աշխատանքի տեսչական մարմնից, համաժամանակյա ստուգայցն ապահովելու համար մեկտեղվել են ԱԱՏՄ գլխամասի, Երեւանի տարածքային կենտրոնի եւ մարզային որոշ ստորաբաժանումների մասնագիտական ուժերը։

ՀՀ առողջապահական եւ աշխատանքի տեսչական մարմնի ղեկավար Հակոբ Ավագյանի հանձնարարությամբ խնդիր է դրվել լայնածավալ ստուգայցի միջոցով ամբողջական պատկեր ստանալ մայրաքաղաքում տնտեսավարողների կողմից անվտանգության կանոնների պահպանման վերաբերյալ։ Աշխատանքները համակարգել է ԱԱՏՄ ղեկավարի տեղակալ Սուրեն Ամիրյանը։

Տեսչական ստուգայցերը Երեւանում ընդհանուր առմամբ կորոնավիրուսի տարածումը կանխելու անվտանգության կանոնների պահպանման բարվոք պատկեր են գրանցել․ տնտեսավարողները հիմնականում հետեւում են ՀՀ առողջապահության նախարարի 17-ն հրամանով սահմանված նորմերին։

Հաճախակի արձանագրվող թերությունները հիմնականում ենթակա են տեղում շտկման, ինչի վերաբերյալ տեսչականի մասնագիտական խմբերը տրամադրում են խորհրդատվություն, մասնագիտական ուղղորդում եւ հրահանգում են անհապաղ վերացնել խախտումները։ Առավել կոպիտ եւ համակցված խախտումների դեպքում անմիջապես կազմվում եւ տրվում են հանձնարարագրեր՝ ողջամիտ ժամկետերում լրացնելու բացերը։

Հոկտեմբերի 30-ին խախտումներ եւ թերություններ ունեցող որոշ տնտեսավարողների մոտ հոկտեմբերի 31-ին ընթացել են կրկնակի ստուգայցեր։ Արձանագրվել է, որ ԱԱՏՄ մասնագետների դիտարկած բոլոր թերությունները վերացված են։

Առավել հաճախակի թերացումները նկատվել են մանրածախ առեւտրի կենտրոններում, գեղեցկության սրահներում, հյուրատներում։ Վերջիններից որոշների մասով կկիրառվի վարչարարություն, քանի որ արձանագրված խախտումներն անմիջական կապ ունեն եւ կարող են հանգեցնել վարակի անկառավարելի տարածմանը։

Երկօրյա աշխատանքների ընթացքում տեսչականի մասնագետներին տնտեսավարողները փոխանցել են իրենց մտահոգությունն առ այն, որ  քաղաքացիների կողմից դիմակ չկրելու կամ ճիշտ չկրելու խնդիրը մտահոգում է նաեւ իրենց, ինչի պատճառով իրենք հաճախ ստիպված են չսպասարկել վերջիններիս։ Սա իր հերթին խնդրահարույց է եւ երբեմն դրա կանոնակարգումն իրենց ուժերից վեր է։

Տեսչական մարմինը հերթական անգամ խնդրում եւ հորդորում է հատկապես ռազմական դրության շրջանում ճշգրտորեն պահպանել սանիտարահամաճարակային անվտանգության կանոնները, կրել անհատական պաշտպանության միջոցներ, պահպանել սոցիալական հեռավորություն եւ հնարավորինս զերծ մնալ մարդկային կուտակումներից։ Ամուր ճակատ ունենալն ուղղակիորեն ենթադրում է առողջ թիկունք, իսկ դա ապահովելու համար անվտանգության նորմերի պահպանումն այլընտրանք չունի։

ԱԱՏՄ ուժեղացված ստուգայցերն ամեն օր են եւ ամենուր։ Կարանտինի շրջանում՝ սեպտեմբերի 11-ից մինչ օրս, իրականացվել է ավելի քան 2000 ստուգայց։





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ