Ժամանակը Երևանում՝ 11:07:36,   26 Հունվար

Ուրուգվայի նախկին նախագահները համերաշխություն են հայտնել հայ ժողովրդին

Ուրուգվայի նախկին նախագահները համերաշխություն են հայտնել հայ ժողովրդին

ԵՐԵՎԱՆ, 29 ՀՈԿՏԵՄԲԵՐԻ, ԱՐՄԵՆՊՐԵՍ: Ուրուգվայի Արևելյան Հանրապետության նախկին նախագահներ Խուլիո Մարիա Սանգինետտին, Լուիս Ալբերտո Լակաժե Էռերան, Տաբարե Վասկեսը և Խոսե Մուխիկան հանդես են եկել համատեղ հայտարարությամբ, որով համերաշխություն են հայտնել հայ ժողովրդին: «Արմենպրես»-ը ներկայացնում է Ուրուգվայի նախկին նախագահների համատեղ հայտարարությունը.

«Հարավային Կովկասում տեղի ունեցող սարսափելի իրադարձությունների առնչությամբ մեր պատմական համերաշխությունն ենք հայտնում հայ ժողովրդին և արտահայտում մեր ցանկությունը՝ որպեսզի վերսկսվեն անհապաղ հրադադարի, խաղաղության, ինչպես նաև այս հակամարտության վերջնական լուծմանը հասնելուն ուղղված բանակցությունները»:

Խուլիո Մարիա Սանգինետտին Ուրուգվայի նախագահի պաշտոնը զբաղեցրել է 1985-1990 և 1995-2000 թվականներին, Լուիս Ալբերտո Լակաժե Էռերան՝ 1990-1995 թվականներին, Տաբարե Վասկեսը՝ 2005-2010 և 2015-2020 թվականներին, Խոսե Մուխիկան՝ 2010-2015 թվականներին:

 

 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ