ԱՄՆ-ում պաշտպանական դիմակները նախընտրական քարոզչության միջոց են դարձել
10:18, 29 Հոկտեմբեր 2020
ԵՐԵՎԱՆ, 29 ՀՈԿՏԵՄԲԵՐԻ, ԱՐՄԵՆՊՐԵՍ: Ամերիկացիները նահանգների մեծ մասում արդեն մի քանի օր Է, ինչ հերթեր են կանգում վաղաժամկետ քվեարկելու համար: Նրանցից շատերը ստեղծագործաբար են մոտենում դիմակով ընտրական տեղամաս գալու պահանջին:
Նյու Յորքում առանձնապես տարածված են դարձել «Քվեարարկի՛ր» կոչով դիմակները, տեղեկացնում Է «Արմենպրես»-ը:
«Ես կարծում եմ, որ սրանք ամենակարեւոր ընտրություններն են իմ ամբողջ կյանքում: Մենք բոլորս պետք Է գանք եւ արտահայտենք մեր դիրքորոշումը, որպեսզի տեղի ունենան փոփոխություններ»,- ասել Է վաղաժամկետ քվեարկության համար այդպիսի դիմակներից մեկով հերթում կանգնած կինը: Պակաս տարածված չեն նաեւ հայրենասիրական դիմակներն ամերիկյան դրոշի գույներով:
Սակայն ոմանք դիմակի միջոցով արտահայտում են իրենց վերաբերմունքը թեկնածուներից մեկի նկատմամբ: Նյու Յորքում, որտեղ բնակիչներն ավանդաբար պաշտպանում են դեմոկրատներին, ամենից շատ հանդիմանություններ Է ստանում հանրապետականների թեկնածուն՝ գործող նախագահ Դոնալդ Թրամփը:
Նախագահական ընտրությունների հիմնական օրվան՝ նոյեմբերի 3-ին ավելի մոտ նկատելիորեն ակտիվացել Է Black Lives Matter շարժումը, որն ամռանն ամբողջ երկրում ընդգրկուն ակցիաներ Էր անցկացնում ոստիկանի կողմից աֆրոամերիկացի Ջորջ Ֆլոյդի սպանությունից հետո: Այդ առանչությամբ շատրեը կորոնավիրուսից պաշտպանվում են սեւ դիմակներով՝ BLM սպիտակ տառերով, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում