62 տարեկանում մահացել է նախկին պատգամավոր Վարդան Զուռնաչյանը
17:33, 28 Հոկտեմբեր 2020
ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: Նախկին պատգամավոր, փաստաբանների պալատի անդամ, փաստաբան Վարդան Զուռնաչյանը COVID-19-ի հետևանքով մահացել է:
«Արմենպրես»-ի հետ զրույցում այս մասին ասաց Փաստաբանների պալատի մամուլի խոսնակ Հայկ Հակոբյանը:
«Հաստատում եմ լուրը, որ կորոնավիրուսային հիվանդությունից մահացել է Վարդան Զուռնաչյանը: Այլ տեղեկություններ չեմ կարող հայտնել»,- նշեց Հակոբյանը:
Զուռնաչյանը ծնվել է 1958 թվականի հուլիսի 23-ին: Վերջինս նաև եղել է ՀՀ Գերագույն խորհրդի (ներկայում ՀՀ Ազգային ժողով) 1-ին գումարման պատգամավոր, իրավական հարցերի մշտական հանձնաժողովի անդամ, «Ազգային առաջադիմություն» պատգամավորական խմբի անդամ:
Բաժանորդագրվեք մեր ալիքին Telegram-ում