Ուրախ եմ դրա համար. Փաշինյանն անդրադարձավ երեկվա ելույթի նկատմամբ հակասական գնահատականներին
ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: Վարչապետ Նիկոլ Փաշինյանն անդրադարձավ երեկվա իր ելույթին, որը բազմաթիվ հակասական գնահատականների տեղիք է տվել: «Անկեղծ ասած, տարօրինակ չթվա՝ ուրախ եմ դրա համար: Այդ ելույթն ուներ երկու նպատակ՝ միջազգային հանրությանը ի ցույց դնել հայկական կողմերի կառուցողականությունը եւ նաեւ հայ ժողովրդի հաստատակամությունը՝ Արցախի իրավունքների համար անմնացորդ պայքարելու տրամաբանության մեջ:
Երկու խնդիրն էլ լուծված են լիովին՝ մի փոքր անսովոր, բայց բավական արդյունավետ ձեւով: Եւ ուզում եմ բոլորիդ շնորհակալություն հայտնել ձեր հաստատակամության համար»,- «Արմենպրես»-ի փոխանցմամբ, ժողովրդին հղված այսօրվա ուղերձում նշեց վարչապետը՝ ավելացնելով, որ խնդիրն է երեկվա ելույթի արդյունքում առաջացած էներգիան վեր ածել կոնկրետ գործի:
Բաժանորդագրվեք մեր ալիքին Telegram-ում