Ժամանակը Երևանում՝ 11:07:36,   28 Նոյեմբեր

Հայաստանի տնտեսական ակտիվության ցուցանիշը 9 ամսում նվազել է 6.6 տոկոսով

Հայաստանի տնտեսական ակտիվության ցուցանիշը 9 ամսում նվազել է 6.6 տոկոսով

ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: Տնտեսական ակտիվության ցուցանիշն այս տարվա հունվար-սեպտեմբերին 6.6 տոկոսով նվազել է 2019-ի նույն ժամանակահատվածի համեմատ: «Արմենպրես»-ի հաղորդմամբ՝ այս մասին փաստում են ՀՀ ազգային վիճակագրական կոմիտեի հրապարակած տվյալները:

Արդյունաբերական արտադրանքի ծավալն աճել  է 1 տոկոսով, գյուղատնտեսական համախառն արտադրանքի ծավալը՝ 0.5 տոկոսով: Շինարարության ծավալն այս տարվա հունվար-սեպտեմբերին նախորդ տարվա նույն ժամանակի համեմատ նվազել է 15.7 տոկոսով: Առևտրի շրջանառությունում հունվար-սեպտեմբերին նվազումը կազմել է 11.4 տոկոս, իսկ մատուցված ծառայությունների ծավալը նվազել է 11.7 տոկոսով:

2020 թվականի հունվար-սեպտեմբերին սպառողական գների ինդեքսն աճել է 0.9 տոկոսով, արդյունաբերական արտադրանքի գների ինդեքսը՝ 1.8 տոկոսով: Էլեկտրաէներգիայի արտադրության ծավալն աճել է 1.5 տոկոսով: Միջին ամսական անվանական աշխատավարձը Հայաստանում հունվար-սեպտեմբերին աճել է 4.7 տոկոսով՝ կազմելով 186 հազար 967 դրամ: Ընդ որում` պետական օղակում միջին ամսական աշխատավարձն ավելացել է 7.4 տոկոսով, իսկ ոչ պետականում՝ 3.2 տոկոսով:

Արտաքին առևտրաշրջանառության ծավալներում այս տարվա հունվար-սեպտեմբերին՝ նախորդ տարվա նույն ժամանակի համեմատ նկատվել է նվազում՝ 10.5 տոկոսով, ընդ որում՝  արտահանումը նվազել է 4.4 տոկոսով, իսկ ներմուծումը՝ 13.7 տոկոսով:

Դրամի փոխարժեքն ԱՄՆ դոլարի նկատմամբ 2020-ի հունվար-սեպտեմբերին եղել է 484.20

 Տնտեսական ակտիվության նվազումը պայմանավորված է կորոնավիրուսի համավարակով, որի հետևանքով անկումներ են արձանագրվում աշխարհի գրեթե բոլոր երկրների  տնտեսություններում:

Աննա Գրիգորյան





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ