Ազգային ժողովում մեկնարկել է հերթական քառօրյա նիստը. ՈՒՂԻՂ
ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ Ազգային ժողովում մեկնարկել է հերթական քառօրյա նիստը: «Արմենպրես»-ի փոխանցմամբ` հոկտեմբերի 27-ին գումարված նիստի օրակարգում ընդգրկված է 9 հարց:
Պատգամավորները երկրորդ ընթերցմամբ կքննարկեն «Բանկային ավանդների ներգրավման մասին» օրենքում և հարակից օրենքներում լրացումներ և փոփոխություններ կատարելու մասին օրենսդրական փաթեթը, «Բանկերի, վարկային կազմակերպությունների, ներդրումային ընկերությունների, ներդրումային ֆոնդի կառավարիչների և ապահովագրական ընկերությունների սնանկության մասին» Հայաստանի Հանրապետության օրենքում փոփոխություններ կատարելու մասին, «Պետական գույքի մասնավորեցման 2017-2020 թվականների ծրագրի մասին» օրենքում փոփոխություն կատարելու մասին, Հայաստանի Հանրապետության հարկային օրենսգրքում փոփոխություն կատարելու մասին և հարակից օրենքներում փոփոխություններ կատարելու օրինագծերի փաթեթը:
Կքննարկվեն նաև մի շարք համաձայնագրեր վավերացնելու մասին հարցերը:
Նորայր Շողիկյան
Բաժանորդագրվեք մեր ալիքին Telegram-ում