Աշտարակ-Ապարան ավտոճանապարհին ՃՏՊ-ի հետևանքով կա մեկ զոհ, երկու տուժած
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Արագածոտնի մարզային ճգնաժամային կառավարման կենտրոնը հոկտեմբերի 21-ին, ժամը 14:36-ին ահազանգ է ստացել, որ Աշտարակ-Ապարան ավտոճանապարհի 13-րդ կմ-ին տեղի է ունեցել ՃՏՊ, կան տուժածներ:
Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ «Nissan Tiida» մակնիշի ավտոմեքենան (վարորդ՝ Արտյոմ Հ․, ծնված 1986 թ.) դուրս է եկել երթևեկելի հատվածից և հայտնվել դաշտամիջյան հատվածում, ինչի հետևանքով ուղևորը տեղում մահացել է:
Մինչ փրկարարների կանչի վայր հասնելը, Արտյոմ Հ․-ն հոսպիտալացվել է Ապարանի բժշկական կենտրոն, որտեղ բժիշկները տուժածի առողջական վիճակը գնահատել են բավարար։
Փրկարարները մյուս ուղևոր Դավիթ Ա․-ին (ծնված 1961 թ.) մոտեցրել են շտապօգնության ավտոմեքենային, ով հոսպիտալացվել է «Արմենիա» հանրապետական ԲԿ։
Բաժանորդագրվեք մեր ալիքին Telegram-ում