Նախագահ Սարգսյանը դատավորներ է նշանակել
01:00, 21 Հոկտեմբեր 2020
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ նախագահ Արմեն Սարգսյանն իր հրամանագրերով Երևան քաղաքի առաջին ատյանի ընդհանուր իրավասության դատարանի դատավոր է նշանակել Ջոն Հայրապետյանին, Արմավիրի մարզի առաջին ատյանի ընդհանուր իրավասության դատարանի դատավոր՝ Հրաչյա Մեխակյանին։ «Արմենպրես»-ն այս մասին տեղեկացավ Հայաստանի Հանրապետության նախագահի աշխատակազմի հասարակայնության հետ կապերի վարչությունից։
ՀՀ նախագահը հրամանագրերն ստորագրել է հիմք ընդունելով Սահմանադրության 139-րդ հոդվածի 1-ին և 166-րդ հոդվածի 6-րդ մասերը, ինչպես նաև Բարձրագույն դատական խորհրդի առաջարկությունները։
Բաժանորդագրվեք մեր ալիքին Telegram-ում