Ժամանակը Երևանում՝ 11:07:36,   31 Հոկտեմբեր

Քրիշտիանու Ռոնալդուն վարակվել է կորոնավիրուսով

Քրիշտիանու Ռոնալդուն վարակվել է կորոնավիրուսով

ԵՐԵՎԱՆ, 13 ՀՈԿՏԵՄԲԵՐԻ, ԱՐՄԵՆՊՐԵՍ: Պորտուգալիայի ֆուտբոլի ազգային հավաքականի և իտալական «Յուվենթուս»-ի հարձակվող Քրիշտիանու Ռոնալդուն վարակվել է կորոնավիրուսով: Ինչպես հաղորդում է «Արմենպրես»-ը այս մասին հաղորդագրություն է տարածել Պորտուգալիայի ֆուտբոլի ֆեդերացիան:

Նշվում է, որ Ռոնալդուն կորոնավիրուսի ախտանշաններ չունի, իրեն լավ է զգում և ինքնամեկուսացել է:

35-ամյա հարձակվողը Ազգերի լիգայի խաղարկության շրջանակներում Պորտուգալիայի հավաքականի կազմում մասնակցել է Ֆրանսիայի ազգային թիմի հետ հանդիպմանը, իսկ մինչ այդ մասնակցել էր Իսպանիայի հավաքականի հետ ընկերական խաղին:

Ռոնալդուն բաց կթողնի Ազգերի լիգայի շրջանակներում Շվեդիայի ընտրանու հետ հանդիպումը: Հարձակվողը «Յուվենթուս»-ի կազմում բաց կթողնի Serie A-ի շրջանակներում «Կրոտոնե»-ի հետ խաղը, ինչպես նաև Չեմպիոնների լիգայի խաղարկության խմբային փուլի հանդիպումը «Դինամո Կիև»-ի հետ:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ