1000х90.jpg (78 KB)

Երևանում՝ 11:07,   29 Մարտ 2024

Ալֆորվիլը կողմ է Ֆրանսիայի կողմից Արցախի անկախության ճանաչմանը

Ալֆորվիլը կողմ է Ֆրանսիայի կողմից Արցախի անկախության ճանաչմանը

ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: Ալֆորվիլի քաղաքային խորհուրդը միաձայն քվեարկել է Ֆրանսիայի կողմից Արցախի Հանրապետության ճանաչման օգտին:

«Արմենպրես»-ի հաղորդմամբ` այդ մասին «Թվիթեր»-ի իր էջում հայտնել է Ալֆորվիլի փոխքաղաքապետ Գարո Խաչիկյանը:

Որոշում է կայացվել նաև Ալֆորվիլի կողմից ֆինանսական աջակցություն տրամադրել Արցախի հայ բնակչությանը:

Ավելի վաղ Ալֆորվիլի քաղաքապետ Լյուկ Կարվունասը դատապարտել էր Շուշիի Ղազանչեցոց եկեղեցու հրթիռակոծումը: «Ես ուզում եմ լիարժեք աջակցություն ցուցաբերել իմ հայ բարեկամներին և արտահայտել իմ խոր վրդովմունքը Շուշիի Ղազանչեցոց եկեղեցու ռմբակոծության առնչությամբ, որը հանգեցրեց լուրջ ավերածությունների»,-նշել էր նա՝ ավելացնելով, որ Ադրբեջանն այս քայլով փորձում է հակամարտությանը նաև կրոնական երանգավորում տալ:

«Միջազգային հանրությունն այլևս չի կարող կույր մնալ բոլորիս աչքի առջև ծավալվող ողբերգական իրադարձությունների նկատմամբ և պետք է վերջ դնի ադրբեջանցիների ու թուրքերի գործողություններին: Ավելի քան երբևէ, Ֆրանսիան, որպես ԵԱՀԿ Մինսկի խմբի համանախագահ, պետք է լիովին խաղա իր դերը: Ես մեկ անգամ ևս կրկնում եմ իմ կոչը` ճանաչել անկախ Արցախի Հանրապետությունը»,-ընդգծել էր նա:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]