Եվրոպան ինքը պետք է կառուցվածքավորի Ռուսաստանի հետ հարաբերությունները. Մակրոն
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: Եվրոպան ինքը պետք Է կառուցվածքավորի եւ ամրապնդի Ռուսաստանի հետ հարաբերությունները, այլ ոչ թե դա պատվիրակի ՆԱՏՕ-ին: Այդ մասին Լատվիայի վարչապետ Կրիշյանիս Կարինշի հետ հանդիպումից հետո անցկացված մամուլի ասուլիսում ասել Է Ֆրանսիայի նախագահ Էմանուել Մակրոնը, տեղեկացնում Է «Արմենպրես»-ը:
Մակրոնը սեպտեմբերի 29-ին Լիտվա Է ժամանել պաշտոնական այցով:
«Մենք (Եվրոպան) մոտեցել ենք այն պահին, երբ ինքներս պետք Է ամրապնենք այդ հարաբերությունները (Ռուսաստանի հետ): Ավելի վաղ մենք պատվիրակել Էինք Ռուսաստանի հետ ՆԱՏՕ-ի հարաբերությունները: Դա չի նշանակում, որ մենք հրաժարվում ենք անդրատլանտյան կապերից, բայց Եվրոպան կարող Է ինքնուրույն առաջ շարժվել Ռուսաստանի հետ հարաբերություններում»,-ասել Է Մակրոնը, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում