ՀՅԴ-ն վճռականորեն կանգնած է հայոց բանակի կողքին. ՀՅԴ Հայաստանի ԳՄ հայտարարությունը
ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Հայ Յեղափոխական Դաշնակցության Հայաստանի Գերագույն մարմինը հայտարարություն է տարածել՝ նշելով, որ ՀՅԴ-ն վճռականորեն կանգնած է հայոց բանակի կողքին։
«Արմենպրես»-ի հաղորդմամբ՝ ՀՅԴ Հայաստանի Գերագույն մարմնի հայտարարության մեջ նշված է. «Այսօր առավոտյան ադրբեջանական բանակը Արցախի հետ շփման ողջ երկանքով անցել է հարձակման: Հերթական անգամ Ադրբեջանը սանձազերծել է պատերազմական գործողություններ: Մեր հաղթանակի գրավականն է ամուր թիկունք, ժողովրդի համախմբում, միասնականություն:
Հ.Յ. Դաշնակցությունը, իր ողջ համահայկական կարողականությամբ և վճռականությամբ կագնած է հայոց բանակի կողքին: Այս պահից մենք բոլորս հայոց բանակի զինվորն ենք և պատրաստ ցանկացած մարտական առաջադրանքի:
Համոզված ենք. այս ճակատամարտում ևս հայ ժողովուրդը կարձանագրի իր հաղթանակը»:
Բաժանորդագրվեք մեր ալիքին Telegram-ում