Հարոյանը կարիերան կշարունակի հունական ակումբներից մեկում
08:50, 27 Սեպտեմբեր 2020
ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի պաշտպան Վարազդատ Հարոյանը կարիերան կշարունակի հունական ակումբներից մեկում:
«Արմենպրես»-ի հաղորդմամբ` այս մասին գրում է astratv.gr-ն։ Հարոյանը երկու տարվա պայմանագիր կստորագրի ԱԵԼ-ի հետ: Այլ մանրամասներ դեռևս հայտնի չեն:
ԱԵԼ-ը հիմնադրվել է 1964 թվականին: Հանդես է գալիս Հունաստանի բարձրագույն խմբում և ընդամենը մեկ անգամ է դարձել երկրների չեմպիոն` հեռավոր 1987/88 մրցաշրջանում:
Ավելի վաղ հայտնի դարձավ` Վարազդատ Հարոյանը ու Եկատերինբուրգի «Ուրալը» երկկողմանի համաձայնությամբ խզել են պայմանագիրը: Ֆուտբոլիստի ծառայություններով հետաքրքված են ռուսականև լեհական մի քանի ակումբներ: Հարոյանը Եկատերինբուրգի «Ուրալ» տեղափոխվեց 2017 թվականին:
Բաժանորդագրվեք մեր ալիքին Telegram-ում