«Հայաստանի Հանրապետություն» օրաթերթ. ԱՄՆ-ը դաշնակիցներ է հավաքագրում՝ ընդդեմ գազամուղի
ԵՐԵՎԱՆ, 23 ՍԵՊՏԵՄԲԵՐԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: ««Հյուսիսային հոսք-2»-ից հրաժարվելու դեպքում Բեռլինն ստիպված կլինի 10 մլրդ եվրո տուգանք վճարել, ինչի մասին ավելի վաղ հայտնել է Բունդեսթագի միջազգային գործերի կոմիտեի անդամ Վալդեմար Հերդտը: Հարված կստացվի նաեւ շարքային գերմանացիներին. նրանց համար ջերմության եւ էլեկտրաէներգիայի գները կբարձրանան 20 տոկոսով:
Բացի այդ, «Այլընտրանք Գերմանիայի համար» կուսակցության անդամի կարծիքով՝ գազատարի շինարարության դադարեցումը կվտանգի Գերմանիայի էներգետիկ անվտանգությունը, քանի որ երկիրը կրճատում է ածուխի արտադրությունը՝ հօգուտ էկոլոգիապես մաքուր էներգիայի աղբյուրների:
Պատգամավորն ընդգծել է նաեւ, որ արեւմտյան մի շարք երկրների բարձրաստիճան քաղաքական գործիչների կողմից «Հյուսիսային հոսք-2»-ի դեմ պայքարն «ընթանում է քաղաքական եւ տնտեսական կեղտոտ մեթոդներով»:
Եվրոպայի համար թանկ կարժենա «Հյուսիսային հոսք-2»-ից հրաժարումը: Դա հաստատել է Դաշնային խորհրդի միջազգային հարցերի կոմիտեի անդամ Սերգեյ Ցեկովը:
«Եթե ինչ-որ մեկը կարծում է, որ հնարավոր է չեղարկել «Հյուսիսային հոսք-2»-ը պարզապես այն պատճառով, որ ինչ-որ մեկը ցանկություն ունի, կամ որ կարելի է հետեւել Միացյալ Նահանգների օրինակին, ու ոչինչ չի պատահի, ապա միանշանակ կլինի: Լուրջ պատժամիջոցներ կլինեն»:
Նյութն ամբողջությամբ կարդացեք թերթի այսօրվա համարում:
Բաժանորդագրվեք մեր ալիքին Telegram-ում