Եկել է իմ կարիերայում նոր էջ բացելու ժամանակը. Հարոյան
17:56, 22 Սեպտեմբեր 2020
ԵՐԵՎԱՆ, 22 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի պաշտպան Վարազդատ Հարոյանը հրաժեշտի խոսքում շնորհակալություն է հայտնել «Ուրալ»-ի երկրպագուներին:
«Եկել է իմ կարիերայում նոր էջ բացելու ժամանակը: Բայց ես ուզում եմ իմ շնորհակալությունը հայտնել ակումբի ղեկավարությանը և հատկապես երկրպագուներին` որոնք մեծ ջերմությամբ են երկրպագում իրենց ակումբին»,- «Արմենպրես»-ի հաղորդմամբ` Հարոյանի խոսքերը փոխանցում է Sport24-ը:
Ավելի վաղ հայտնի դարձավ` Վարազդատ Հարոյանը ու Եկատերինբուրգի «Ուրալը» երկկողմանի համաձայնությամբ խզել են պայմանագիրը: Ֆուտբոլիստի ծառայություններով հետաքրքված են ռուսական և լեհական մի քանի ակումբներ: Հարոյանը Եկատերինբուրգի «Ուրալ» տեղափոխվեց 2017 թվականին:
Բաժանորդագրվեք մեր ալիքին Telegram-ում