Պրեմիեր լիգայի երեք ֆուտբոլիստ վարակվել են կորոնավիրուսով
12:40, 22 Սեպտեմբեր 2020
ԵՐԵՎԱՆ, 22 ՍԵՊՏԵՄԲԵՐԻ, ԱՐՄԵՆՊՐԵՍ: Անգլիական Պրեմիեր լիգայում հանդես եկող երեք ֆուտբոլիստի կորոնավիրուսի թեստը դրական է եղել:
«Արմենպրես»-ի հաղորդմամբ` այս մասին հայտնում է առաջնության պաշտոնական կայքը: Պրեմիեր լիգայի ղեկավարությունը չի նշում ոչ ֆուտբոլիստների և ոչ էլ այն ակումբների անունները, որտեղ հանդես են գալիս վարակված ֆուտբոլիստները: Անցկացվել է 1 574 թեստավորում, որոնցից միայն 3-ն են եղել դրական: Ֆուտբոլիստներն այժմ ինքնամեկուսացած են:
Անգլիական Պրեմիեր լիգան և եվրոպական մյուս առաջնությունները շարունակում են անցկացվել առանց երկրպագուների:
Բաժանորդագրվեք մեր ալիքին Telegram-ում