ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի տարածքում սեպտեմբերի 20-ի ցերեկը, 23-ին սպասվում է առանց տեղումների եղանակ: Սեպտեմբերի 21-ին և 24-ին առանձին շրջաններում, 22-ին և 25-ին շրջանների զգալի մասում սպասվում է կարճատև անձրև և ամպրոպ։

Քամին կլինի հարավ-արևմտյան՝ 3-8 մ/վ արագությամբ, ամպրոպի ժամանակ հնարավոր է քամու ուժգնացում մինչև՝ 15-20 մ/վ:

Օդի ջերմաստիճանը սեպտեմբերի 20-22-ն աստիճանաբար կնվազի 2-3 աստիճանով:

Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, Երևան քաղաքում սեպտեմբերի 20-ի ցերեկը, 21-ին, 23-24-ն սպասվում է առանց տեղումների եղանակ, 22-ին և 25-ին՝ կեսօրից հետո, քաղաքի առանձին հատվածներում հնարավոր է կարճատև անձրև և ամպրոպ: