Ժամանակը Երևանում՝ 11:07:36,   26 Հոկտեմբեր

«Պռոշյան կոնյակի գործարանի» մասնաճյուղում հրդեհի հետևանքով տուժածներից մեկը մահացել է

«Պռոշյան կոնյակի գործարանի» մասնաճյուղում հրդեհի հետևանքով տուժածներից մեկը 
մահացել է

ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ: «Պռոշյան կոնյակի գործարանի» մասնաճյուղում տեղի ունեցած հրդեհի հետևանքով տուժածներից մեկը մահացել է: «Արմենպրես»-ի հաղորդմամբ, այս մասին տեղեկացնում է ՀՀ առողջապահության նախարարությունը:

«Ինչպես հայտնել էինք, «Պռոշյան կոնյակի գործարանի» մասնաճյուղում տեղի ունեցած հրդեհի հետևանքով տուժած 4 պացիենտ բուժում է ստանում ՀՀ ԱՆ Այրվածքաբանության ազգային կենտրոնում: Նրանցից մեկը, ցավոք, երեկ մահացել է:  Մեկ պացիենտ դուրս է գրվել»,- ասված է հաղորդագրության մեջ:

Նշվում է, որ մյուս 2 տուժածի առողջական վիճակը գնահատվում է միջին ծանրության, վերջիններս վերակենդանացման բաժանմունքից տեղափոխվել են այրվածքային բաժանմունք: Անհրաժեշտ բոլոր միջոցառումներն իրականացվում են:

ՀՀ ԱԻՆ Մարզային ճգնաժամային կառավարման կենտրոնը սեպտեմբերի 1-ին, ժամը 12:08-ին ահազանգ էր ստացել այն մասին, որ տեղի է ունեցել պայթյուն և հրդեհ  Արմավիր գյուղի «Պռոշյան կոնյակի գործարան»-ի մասնաճյուղում: Տեղի ունեցած հրդեհի հետևանքով 2 մարդ զոհվել էր, 4 պացիենտ տեղափոխվել էր Այրվածքաբանության ազգային կենտրոն

 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ