«Ռոմա»-ն նոր կենտրոնական պաշտպան ունի
11:49, 18 Սեպտեմբեր 2020
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Իտալական «Ռոմա» ֆուտբոլային ակումբը նոր մրցաշրջանի մեկնարկից առաջ նոր համալրում ունի կազմում:
«Արմենպրես»-ի հաղորդմամբ` «Ռոմա»-ին է միացել «Վերոնա»-ի կենտրոնական պաշտպան Մարաշ Կումբուլան, ով 2 տարվա պայմանագիր է ստորագրել մայրաքաղաքային ակումբի հետ: «Ռոմա»-ն նաև իրավունք է ստացել Կումբուլայի տրանսֆերը ամբողջապես ձեռք բերել, երբ կավարտվի պայմանագրի ժամկետը:
Իտալիայի ֆուտբոլի առաջնությունը` Սերիա Ա-ի 2020/21 մրցաշրջանը մեկնարկում է սեպտեմբերի 19-ին: Մեկնարկային տուրում «Ռոմա»-ն կխաղա «Վերոնա»-ի հետ: Այդ հանդիպումը կկայանա սեպտեմբերի 19-ին և կմեկնարկի Երևանի ժամանակով 22:45-ին:
Պատրաստեց Վարվառա Հայրապետյանը
Բաժանորդագրվեք մեր ալիքին Telegram-ում