«Հայաստանի Հանրապետություն» օրաթերթ. Գերմանիան ԱՄՆ-ին առաջարկում է 1 մլրդ եվրո
ԵՐԵՎԱՆ, 18 ՍԵՊՏԵՄԲԵՐԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: «ԱՄՆ կառավարությունը հուլիսին սպառնացել էր պատժամիջոցներ կիրառել «Հյուսիսային հոսք-2»-ի շինարարության մեջ ներգրավված ընկերությունների նկատմամբ: Ամերիկյան հակազդեցության պատճառներից մեկն այն է, որ նախագահ Դոնալդ Թրամփը ցանկանում է, որ Գերմանիան ռուսականի փոխարեն ամերիկյան գազ գնի: Դրա համար անհրաժեշտ է կառուցել մի քանի տերմինալ:
Սակայն նավահանգստային տերմինալներում նման միլիարդավոր ներդրումների համար դաշնային կառավարությունը պահանջում է զգալի զիջումներ ԱՄՆ կառավարությունից: «Իր հերթին, Միացյալ Նահանգները թույլ կտա անարգել ավարտել եւ շահագործման հանձնել «Հյուսիսային հոսք-2»-ը,- նշված է Բեռլինի գրավոր առաջարկում:- Պատժամիջոցների համար գոյություն ունեցող իրավական հնարավորությունները չեն օգտագործվի:
Բրյուսելում կայանալիք գագաթնաժողովում, որը պլանավորված է սեպտեմբերի 24-ին եւ 25-ին, Եվրամիության անդամ երկրների ղեկավարները կքննարկեն գազամուղի ապագայի հարցը: Ռուս ընդդիմադիր քաղաքական գործիչ Ալեքսեյ Նավալնու թունավորումից հետո որոշ քաղաքագետներ պահանջել են դադարեցնել «Հյուսիսային հոսք-2»-ի շինարարությունը»:
Նյութն ամբողջությամբ կարդացեք թերթի այսօրվա համարում:
Բաժանորդագրվեք մեր ալիքին Telegram-ում