1000х90.jpg (78 KB)

Երևանում՝ 11:07,   29 Մարտ 2024

Ստեղծվում է հակաթուրքական առանցք. թուրքագետը Միջերկրական ծովում Թուրքիայի քաղաքականության մասին

Ստեղծվում է հակաթուրքական առանցք. թուրքագետը Միջերկրական ծովում Թուրքիայի 
քաղաքականության մասին

ԵՐԵՎԱՆ, 16 ՍԵՊՏԵՄԲԵՐԻ, ԱՐՄԵՆՊՐԵՍ: Միջերկրական ծովում՝ Հունաստանի ափամերձ հատվածներից հետազոտական նավի հետ կանչելը Թուրքիայի կողմից տակտիկական քայլ է: «Արմենպրես»-ի մամուլի սրահում հրավիրված ասուլիսում նման գնահատական տվեց ՀՀ ԳԱԱ Արևելագիտության ինստիտուտի գիտական ղեկավարի պաշտոնակատար, թուրքագետ Ռուբեն Սաֆրաստյանը:

«Եթե մենք ընդհանուր գնահատենք Էրդողանի վերջին տարիների արտաքին քաղաքականությունը, ապա տեսնում ենք, որ ունի հետևյալ առանձնահատկությունը. նա փորձում է Թուրքիայի շուրջ լարվածությունը բարձրացնել: Նման պայմաններում նա կարող է գնալ մի փոքր հետքայլի՝ փոխարենն ակնկալելով մեծ զիջում հակառակ կողմից: Ես կարծում եմ, որ թուրքական նավի դուրս գալը հունական ծովային հատվածից հենց այդ տակտիկայի արտահայտումն է»,-ասաց Ռուբեն Սաֆրաստյանը:

Թուրքագետը նկատում է՝ Միջերկրական ծովի հատվածում Թուրքիայի որդեգրած քաղաքականությունն այն է, որ ամեն կերպ ազդեցության շրջանակն ուժեղացնի, ընդլայնի: Դրան գնալով էլ՝ ստանա նյութական օգուտներ, ի դեմս այն գազի խոշոր պաշարների, որոնք կան հատակում: Թուրքիան ձգտում է գազի օգտագործման մենաշնորհը վերցնել, դառնալ գազի մատակարարման տարածաշրջանային հաբ, կենտրոն: Այնպես, որ, ըստ նրա, դրանք գործողություններ են և՛ աշխարհաքաղաքական ազդեցությունն ուժեղացնելու, և՛ էներգակիրների բնագավառում կենտրոն դառնալու  նպատակով:

Թուրքիայի ագրեսիվ քաղաքականությունը, Ռուբեն Սաֆրաստյանի խոսքով, տեղի է ունենում տարածաշրջանի մի շարք երկրներում: Թուրքիայի հաշվարկներով՝ իր գործողություններով պետք է սեփական ազդեցությունն ուժեղանա, հեղինակությունը բարձրանա, սակայն թուրքագետը նշում է, որ դա միանշանակ չէ: Զարգացումները ցույց են տալիս, որ Միջերկրական ծովի արևելյան հատվածում Թուրքիան գնաց ագրեսիվ գործողությունների, սակայն փոխարենը ստացավ եվրոպական և տարածաշրջանային երկրների համախմբում իր դեմ: Ստեղծվում է հակաթուրքական առանցք, որին մասնակցում է Հունաստանը, Կիպրոսը, Իսրայելը, Եգիպտոսը, Ֆրանսիան և այլն:

«Այնպես, որ ես չէի ասի, որ Էրդողանի ագրեսիվ քաղաքականությունը տալիս է սպասված արդյունքները»,-հավելեց թուրքագետը:

Ինչ վերաբերում է Թուրքիայի գործողություններին միջազգային արձագանքին, ապա Ռուբեն Սաֆրաստյանը նշեց, որ Եվրոպան ակտիվորեն խոսում է պատժամիջոցների մասին: Հավանական է, որ  մեկ շաբաթ անց, երբ պետք է սկսվեն ԵՄ ղեկավար մարմինների նիստերը, Թուրքիայի դեմ պատժամիջոցների կիրառման հարցը կբարձրացվի: Այստեղ ակտիվ դերակատարում ունի Հունաստանը, Կիպրոսը, Ֆրանսիան: Արաբական երկրների շրջանում ևս նկատվում է հակաթուրքական առանցքի ձևավորման գործընթացներ, քանի որ շատ լավ գիտակցում են թուրքական սպառնալիքները:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]