Չարենցավանում անցկացվեց աղջիկների ֆուտբոլի թիմերի 3X3 մրցաշար
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: Չարենցավան քաղաքում անցկացվեց 3x3-ի մրցաշար՝ աղջիկների թիմերի մասնակցությամբ։ Մրցաշարին մասնակցում էր 16 թիմ՝ Մ10, Մ12, Մ14 տարիքային խմբերում։
«Արմենպրես»-ի հաղորդմամբ` այս մասին հայտնում է ՀՖՖ-ն: Մ10 տարիքային խմբում հանդես էին գալիս «Երևան 1», «Երևան 2», «Նոա-աղջիկներ», «Արարատ-աղջիկներ», «Վեստ Արմենիա-աղջիկներ», «Գանձակ 2» և «Վան Չարենցավան» թիմերը։
Հաղթող դարձավ «Նոա-աղջիկներ» թիմը։
Մ12 տարեկանների խմբում հանդես էին գալիս «Մասիս», «Վեստ Արմենիա-աղջիկներ», «Արարատ-աղջիկներ» և այլ թիմեր։
Այստեղ հաղթող ճանաչվեց «Վեստ Արմենիա-աղջիկներ» թիմը:
Մ14 տարկենաների խմբում մասնակցում էին «Ուրարտու-աղջիկներ», «Արարատ-Արմենիա-աղջիկներ», «Վեստ Արմենիա-աղջիկներ», «Գանձակ 2», «Նոա-աղջիկներ» և «Վան Չարենցավան» թիմերը։
Ուժեղագույնը «Ուրարտու-աղջիկներ» թիմն էր։
Մրցաշարի բոլոր մասնակիցները պարգևատրվեցին դիպլոմներով, հուշանվերներով, իսկ հաղթողները՝ նաև գավաթներով։
Պատրաստեց Վարվառա Հայրապետյանը
Բաժանորդագրվեք մեր ալիքին Telegram-ում