1000х90.jpg (78 KB)

Երևանում՝ 11:07,   28 Մարտ 2024

Հայաստանում ավանդների աճի տեմպը որոշակիորեն դանդաղել է, սակայն նվազման միտում չկա

Հայաստանում ավանդների աճի տեմպը որոշակիորեն դանդաղել է, սակայն նվազման 
միտում չկա

ԵՐԵՎԱՆ, 8 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանում կորոնավիրուսի ճգնաժամով պայմանավորված՝ ավանդների աճի տեմպը որոշակիորեն դանդաղել է, սակայն այս պահի դրությամբ նվազման միտում չկա, կայուն մակարդակի վրա են: Վարկերը շարունակում են աճել: «Արմենպրես»-ի փոխանցմամբ՝ այս մասին սեպտեմբերի 8-ին մամուլի ասուլիսում հայտնեց ՀՀ կենտրոնական բանկի նախագահ Մարտին Գալստյանը:

ԿԲ նախագահը նախ նշեց, որ որպես տնտեսության մասնավոր հատվածի սուբյեկտներ, ֆինանսական կազմակերպությունները ևս անմասն չեն մնացել համավարակի անբարենպաստ ազդեցությունից, ինչը, սակայն այս պահին չի խաթարել ֆինանսական ծառայությունների մատուցման բնականոն ընթացքը։ Ֆինանսական կազմակերպությունների կապիտալը և իրացվելիության մակարդակն այս պահի դրությամբ բավարար նախադրյալներ է ստեղծում նաև այս ճգնաժամին դիմագրավելու համար:

Նա շեշտեց՝ Հայաստանում ավանդները մշտապես սինխրոն կերպով բարձրացել են վարկերին զուգընթաց։ «Եկամուտների նվազմանը զուգընթաց, երբ տնտեսական ճգնաժամ է լինում, բնականաբար ավանդները որոշակի ազդեցություն են ունենում դրանից, և աճի տեմպը, որը ունեցել ենք տարիներ շարունակ, որոշակի դանդաղել է: Մարտ-ապրիլին ունեցել ենք ավանդների որոշակի արտահոսք, հիմնականում ոչ ռեզիդենտների գծով, բայց այնուամենայնիվ, այս պահի դրությամբ կարող ենք ասել, որ ավանդները նվազման միտում չունեն, կայուն մակարդակի վրա են: Մինչդեռ վարկերը որոշակիորեն շարունակել են աճել»,-ասաց Գալստյանը:

ԿԲ նախագահն այստեղ մի մտավախություն ունի, որ եթե առողջապահական այս իրավիճակը մի քիչ ավելի երկար տևի, քան ակնկալում են, և  տնային տնտեսությունների, ընկերությունների մոտ եկամուտների  որոշակի նվազում դիտվի, ապա հնարավոր է՝ վարկերը նույնպես աճի տեմպի դանդաղում արձագրեն: 

Միևնույն ժամանակ Գալստյանը վստահերեց, որ բանկերի իրացվելի միջոցները շատ ավելի բարձր են, քան Կենտրոնական բանկի պահանջները: Ֆինանսական աղբյուրների սակավության պայմաններում բանկերը շարունակել են տնտեսության վարկավորումը, այդ թվում` ապահովելով կառավարության հակաճգնաժամային միջոցառումների իրականացումը: 

Խնդրահարույց վարկերի տեսակարար կշիռը ընդհանուր վարկային պորֆելում 6.3 տոկոս է: «Մեր գնահատականներով՝ համարվարակով պայմանավորված վարկային արձակուրդները, վարկառուների եկամուտների նվազումը կարող են հանգեցնել իրավիճակի, որ այս ցուցանիշը կբարձրանա, նույնիսկ կարող է ավելի բարձր լինել, քան տասը տոկոսը»,-ասաց նա:

Աննա Գրիգորյան


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]