Բելառուսի վարչապետը պատվաստվել է կորոնավիրուսի դեմ ռուսական պատվաստանյութով
21:17, 7 Սեպտեմբեր 2020
ԵՐԵՎԱՆ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Բելառուսի վարչապետ Ռոման Գոլովչենկոն Մինսկում իր ռուս գործընկեր Միխայիլ Միշուստինի հետ բանակցելուց հետո պատվաստվել է COVID-19- ի դեմ ռուսական արտադրության պատվաստանյութով: «Արմենպրես»-ի հաղորդմամբ՝ այս մասին «ՌԻԱ Նովոստի»-ին հաղորդել է կառավարության ղեկավարի մամուլի քարտուղար Ալեքսանդր Իսաևան:
«Բելառուսի Հանրապետության վարչապետը պատվաստվել է իր ռուս գործընկերոջ հետ բանակցություններից հետո, որոնք կայացել են սեպտեմբերի 3-ին: Նա իրեն հիանալի է զգում, աշխատանքի է եղել ուրբաթ, շաբաթ օրերը և այսօր ևս աշխատանքի է », - գործակալությանը ասել է Իսաևան:
Բաժանորդագրվեք մեր ալիքին Telegram-ում