ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: Անկախ պետությունների համագործակցության առաջին խաղերը, որը նախատեսված  էր անցկացնել  ընթացիկ մրցաշրջանում  տեղի չի ունենա:

«Արմենպրես»-ի հաղորդմամբ` այս մասին հայտնում է ՀԱՕԿ-ը: Պատճառը կորոնավիրուսն է։ Տարեսկզբին կազմած օրացուցային պլանի համաձայն  միջոցառումը պետք է  կայանար Կազանում՝ օգոստոսի 20-27-ը։ Այնուհետև այն հետաձգվեց մինչև սեպտեմբեր: 

Սպասվում էր 11 երկրների 14 - 23 տարեկան ավելի քան 2, 5 հազար  մարզիկների մասնակցություն։  21 մարզաձևերում  պետք է խաղարկվեր  280  մեդալների հավաքածու։

Խաղերի անցկացման գաղափարը Ռուսաստանինն է։ Առաջարկն արվել է 2018թ․ սեպտեմբերի 28-ին, Դուշանբեում տեղի ունեցած ԱՊՀ երկրների նիստում:

Պատրաստեց Վարվառա Հայրապետյանը