Ռուսաստանը եւ Չինաստանը նոր սերնդի ոչ ատոմային սուզանավ են նախագծում
ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ: Ռուսաստանը եւ Չինաստանը համատեղ նախագծում են նոր սերնդի ոչ ատոմային սուզանավ: Այդ մասին, ինչպես տեղեկացնում Է «Արմենպրես»-ը, «Բանակ-2020» համաժողովի ընթացքում ՌԻԱ Նովոստիին հայտարարել Է Ռազմատեխնիկական համագործակցության դաշնային ծառայության (ՌՏՀԴԾ) պաշտոնական ներկայացուցիչը:
«Ներկայում մենք չինական կողմի հետ փոխգործակցում ենք նոր սերնդի ոչ ատոմային սուզանավի համատեղ նախագծման շուրջ: Աշխատանքներն ավարտելու ժամկետների մասին խոսելը դեռ վաղ Է»,-ասել են ՌՏՀԴԾ-ում:
Ավելի վաղ Airshow China-2018 ցուցահանդեսում «Ռոստեխ» պետական կորպորացիայի պատվիրակության ղեկավար Վիկտոր Կլադովը ՌԻԱ Նովոստիին հայտարարել Է, որ Ռուսաստանը պարտավորագիր Է կնքել Չինաստան երեք ոլորտներում (ջուր, օդ, ցամաք) զենքի մատակարարման վերաբերյալ:
Բաժանորդագրվեք մեր ալիքին Telegram-ում