Ժամանակը Երևանում՝ 11:07:36,   26 Հոկտեմբեր

Իրանահայ մաեստրո Լորիս Ճգնավորյանին կշնորհվի «Խաղաղության գրքեր 2020» մրցանակ

Իրանահայ մաեստրո Լորիս Ճգնավորյանին կշնորհվի «Խաղաղության գրքեր 2020» 
մրցանակ

ԹԵՀՐԱՆ, 17 ՕԳՈՍՏՈՍԻ, ԱՐՄԵՆՊՐԵՍ։ «Խաղաղության գրքեր 2020» մրցանակի թեկնածուի ընտրության հանձնաժողովը այս տարի որոշել է մրցանակը հանձնել իրանահայ հայտնի կոմպոզիտոր, երաժիշտ Լորիս Ճգնավորյանին, հաղորդում է «IRNA»-ն։ Մրցանակը կհանձնվի մաեստրոյին Իտալիայի մայրաքաղաք Հռոմում սեպտեմբերի 12-ին կայանալիք հանդիսավոր միջոցառման ժամանակ։ 

«Խաղաղության գրքեր» (The Books for Peace Award) մրցանակը մեքսիկացի լրագրող  Խավիեր Վալդեսի հիշատակին նվիրված միջազգային մրցանակ է։ Լրագրողն սպանվել է Մեքսիկայում թմրամիջոցների մաքսանենգության դեմ պայքարում։  Սկսած 2017 թվականից այս մրցանակն ամեն տարի շնորհվում է  խաղաղության տարածման և մարդասիրական ծրագրերում ներգրավված մարդկանց և խմբերի, փոխանցում է լրատվամիջոցը։
Լորիս Ճգնավորյանը իրանահայ աշխարհահռչակ դիրիժոր և կոմպոզիտոր է։ Հեղինակ է դասական երաժշտության ավելի քան 70 կատարումների, 4 օպերայի և 6 սիմֆոնիայի։ Ծնվել է 1937. թ.-ին Իրանի Բորուջերդ քաղաքում։ 1989-1998 և 1999-2000 թվականներին եղել է Հայաստանի ֆիլհարմոնիկ նվագախմբի գեղարվեստական ղեկավար և գլխավոր դիրիժորը։ 

Հրաչյա Հակոբյան 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ