Ժամանակը Երևանում՝ 11:07:36,   24 Սեպտեմբեր

Բնակարանների գնման վկայագրերի գործողության ժամկետը երկարաձգվել է

Բնակարանների գնման վկայագրերի գործողության ժամկետը երկարաձգվել է

ԳՅՈՒՄՐԻ, 13 ՕԳՈՍՏՈՍԻ, ԱՐՄԵՆՊՐԵՍ : Շիրակի մարզի գյուղական բնակավայրերի՝ «Բնակարանի գնման վկայագիր» ծրագրի շահառու ճանաչված այն ընտանիքները, որոնք չեն հասցրել բնակարանատերեր դառնալ, ունեն լրացուցիչ ժամանակ վկայագրերն իրացնելու համար:

Այս մասին «Արմենպրես»-ին տեղեկացրեց մարզպետարանի քաղաքաշինության վարչության պետ Ալբերտ Մարգարյանը: «Հաշվի առնելով համավարակի պայմաններում առաջացած դժվարությունները՝  կառավարությունը որոշում է կայացրել բնակարանների գնման վկայագրերի գործողության ժամկետը երկարաձգել մինչև 2020 թվականի նոյեմբերի 1-ը: Այսինքն՝ քաղաքացիները դեռ 3  ամիս ժամանակ ունեն վկայագրի շրջանակներում բնակարան գնելու»,- նշեց Ալբերտ Մարգարյանը։

 Բնակարանների գնման վկայագրերի երկրորդ ծրագրով Շիրակի մարզի գյուղական 9 բնակավայրերի 90 ընտանիք ճանաչվել է շահառու, պայմանագրեր կնքվել են նրանցից 86-ի հետ, 56 ընտանիքների եզրակացություններ են տրամադրվել, 49-ը արդեն ձեռք են բերել բնակարաններ։ Սրանք այն ընտանքներն են, որոնք հրաժարվել են նոր տների կառուցման ծրագրից՝ ընտրելով վկայագրի տարբերակը: 90 ընտանիքից 4-ը վկայագիր չստացավ ՝  ներընտանեկան խնդիրների պատճառով:

Արմենուհի Մխոյան





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ