ՊՍԺ-ն Չեմպիոնների լիգայի կիսաեզրափակիչում է
07:40, 13 Օգոստոս 2020
ԵՐԵՎԱՆ, 13 ՕԳՈՍՏՈՍԻ, ԱՐՄԵՆՊՐԵՍ: Պորտուգալիայի մայրաքաղաք Լիսաբոնում մեկնարկեց ֆուտբոլի Չեմպիոնների լիգայի քառորդ եզրափակչի խաղերը:
«Արմենպրես»-ի հաղորդմամբ` քառորդ եզրափակչի առաջին խաղում Ֆրանսիայի չեմպիոն ՊՍԺ-ն մրցեց իտալական «Ատալանտա»-ի հետ: Նախ խաղի 23-րդ րոպեին իտալական ակումբը բացեց խաղի հաշիվը, սակայն Ֆրանսիայի բազմակի չեմպիոնը կարողացավ հանդիպման ընթացքը բեկել խաղի վերջնամասում: 90-րդ րոպեին Մարկինյոսը հավասարեցրեց հաշիվը, իսկ 90+3-ին` Շուպո-Մոտինգը խփեց ՊՍԺ հաղթական գնդակը:
Ֆրանսիայի չեմպիոն ՊՍԺ դուրս եկավ ֆուտբոլի Չեմպիոնների լիգայի կիսաեզրափակիչ:
Պատրաստեց Վարվառա Հայրապետյանը
Բաժանորդագրվեք մեր ալիքին Telegram-ում