Հայաստանի բասկետբոլի կանանց առաջնությունը մեկնարկում է
19:04, 12 Օգոստոս 2020
ԵՐԵՎԱՆ, 12 ՕԳՈՍՏՈՍԻ, ԱՐՄԵՆՊՐԵՍ: Մեկնարկում է Հայաստանի բասկետբոլի կանանց բարձրագույն խմբի մրցաշարը:
«Արմենպրես»-ի հաղորդմամբ` այս մասին հայտնում է բասկետբոլի ֆեդերացիայի մամուլի ծառայությունը: Օգոստոսի 16-ին կմեկնարկի կանանց Հայաստանի բարձրագույն խմբի առաջնությունը, որին այս տարի կմասնակցեն 6 թիմեր Երևանից և Գյումրիից։
Առաջնությունը կանցկացվի շրջանաձև համակարգով` 6 շրջանով: Այնուհետև 6 շրջանների արդյունքների հիման վրա թիմերը հանդիպումները կշարունակեն փլեյ–օֆֆ փուլում:
Մասնակից թիմերն են՝ «Հատիս» (Երևան), «Լեգենդ» (Երևան), «Գյումրի» (Գյումրի), «Արցախ» (Երևան), «Լես ֆոքսես» (Երևան) և «Էրեբունի » (Երևան):
Պատրաստեց Վարվառա Հայրապետյանը
Բաժանորդագրվեք մեր ալիքին Telegram-ում