Հետախուզական ստորաբաժանումների զինծառայողների հետ անցկացվել է գործնական պարապմունք
15:55, 12 Օգոստոս 2020
ԵՐԵՎԱՆ, 12 ՕԳՈՍՏՈՍԻ, ԱՐՄԵՆՊՐԵՍ: ՀՀ ԶՈՒ 4-րդ զորամիավորման ենթակա զորամասերից մեկի մարտավարական դաշտում օգոստոսի 11-ին հետախուզական ստորաբաժանումների զինծառայողների հետ անցկացվել է ականների տեղադրման և ականազերծման գործնական պարապմունք։
Ինչպես «Արմենպրես»-ին տեղեկացրեցին ՀՀ պաշտպանության նախարարության տեղեկատվության և հասարակայնության հետ կապերի վարչությունից, ստուգվել են հետախույզների՝ մարտավարական տարբեր իրավիճակներում առաջադրված խնդիրների կատարման ունակությունները, դաշտային վարժվածությունն ու ֆիզիկական դիմացկունությունը:
Բաժանորդագրվեք մեր ալիքին Telegram-ում