ԵՐԵՎԱՆ, 12 ՕԳՈՍՏՈՍԻ, ԱՐՄԵՆՊՐԵՍ: Դեմոկրատական կուսակցությունից ԱՄՆ-ի նախագահի ապագա թեկնածու Ջո Բայդենը սենատոր Քամալա Հարիսին ընտրել Է փոխնախագահի թեկնածու: Այդ մասին, ինչպես տեղեկացնում Է «Արմենպրես»-ը, հաղորդում են ամերիկյան հեռուստաալիքները: Այսպիսով, Բայդենը կատարել Է խոստումը. թեկնածուի ընտրությունը կանգ Է առել իգական սեռի ներկայացուցչի վրա: Օգոստոսին ավելի ուշ երկուսի թեկնածությունները, ինչպես սպասվում Է, հաստատելու են կուսակցական համագումարում: Քամալա Հարիսը 55 տարեկան Է:

Նրա հայրը սերված Է Ջամայկայից, մայրը՝ Հնդկաստանից: Նա սենատոր Է Կալիֆոռնիայի նահանգից: Հարրիսը մասնակցել Է Դեմոկրատական կուսակցության փրայմերիզներին, բայց մեկնարկի հաջողությունից հետո արագորեն կորցրել Է ժողովրդականությունը եւ դուրս եկել նախագահական մրցարշավից: Փոխնախագահի պաշտոնի համար Հարիսի թեկնածությունը, ամերիկացի փորձագետների կարծիքով, տրամաբանական Է եւ ռիսկային չԷ: Փրայմերիզների ընթացքում նա փորձել Է հաշվեկշիռ գտնել կուսակցության չափավոր դեմոկրատների եւ ծայրահեղ ձախերի դիրքորոշումների միջեւ:

Ընդ որում, ինչպես նշել են արեւմտյան ԶԼՄ-ները, արդյունքում Հարիսը չի բավարարել ո՛չ մեկին, ո՛չ մյուսին եւ դուրս Է եկել ընտրություններից: Այնուամենայնիվ, ենթադրվում Է, որ փոխնախագահի պաշտոնում առաջադրվելու դեպքում նա վրդովմունք չի առաջացնի ո՛չ չափավոր դեմոկրատների, ո՛չ Էլ ավելի արմատական ձախերի գաղափարների կողմնակիցների շրջանում, հաղորդել Է «Ինտերֆաքս»-ը: