Աբխազիան Ռուսաստանի հետ սահմանը վերստին չի փակի կորոնավիրուսի պատճառով
ԵՐԵՎԱՆ, 11 ՕԳՈՍՏՈՍԻ, ԱՐՄԵՆՊՐԵՍ: Աբխազիան չի պլանավորում վերստին փակել ՌԴ-ի հետ սահմանը, քանի որ կորոնավիրուսով վարակվածների թվաքանակի ավելացումը հանրապետությունում ոչ մի ձեւով կապված չԷ ռուսաստանցի զբոսաշրջիկների հետ: Այդ մասին, ինչպես տեղեկացնում Է «Արմենպրես»-ը, հայտնել Է Աբխազիայի նախագահ Ասլան Բժանիան:
Օգոստոսի 11-ին «Իզվեստիա» թերթում հրապարակված հարցազրույցում Բժանիան պատմել Է, որ COVID-19-ի հաստատված ախտորոշմամբ Աբխազիայի զբոսաշրջիկներին ու քաղաքացիներին բուժման կուղարկեն Կրասնոդարի երկրամաս: Նա կարծում Է, որ սահմանը բացելուց հետո կորոնավիրուսի բռնկումը տեղի Է ունեցել Սուխում քաղաքի հիվանդնոցներից մեկում սանիտարական նորմերը չպահպանելու պատճառով: Վիրուսի տարածման սպառնալիքը կանխել են մասնագետների օպերատիվ գործողությունները, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում