Ժամանակը Երևանում՝ 11:07:36,   24 Հունվար

Քաջարան-Մեղրի ավտոճանապարհին ՃՏՊ-ի հետևանքով  մեկ մարդ զոհվել է, երեքը՝ վիրավորվել

Քաջարան-Մեղրի ավտոճանապարհին ՃՏՊ-ի հետևանքով  մեկ մարդ զոհվել է, երեքը՝ 
վիրավորվել

ԵՐԵՎԱՆ, 10 ՕԳՈՍՏՈՍԻ, ԱՐՄԵՆՊՐԵՍ: ՀՀ արտակարգ իրավիճակների նախարարության Փրկարար ծառայության ճգնաժամային կառավարման ազգային կենտրոնն օգոստոսի 10-ին, ժամը 15։46-ին ահազանգ է ստացել, որ Քաջարան-Մեղրի ավտոճանապարհի 12-րդ կմ-ին տեղի է ունեցել ՃՏՊ․ կա զոհ և տուժած։

Ինչպես «Արմենպրես»-ին տեղեկացրին ՀՀ ԱԻՆ տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ ՓԾ Սյունիքի մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ «ԿամԱԶ» մակնիշի ավտոմեքենան (վարորդ՝ Նարեկ Խ․, ծնված 1987 թ․) դուրս է եկել ավտոճանապարհի երթևեկելի գոտուց և մոտ 300 մ գլորվել դեպի ձորը։

Մինչ փրկարարների դեպքի վայր հասնելը՝ ուղևորներ Գալուստ Հ․-ն (ծնված 1991 թ․), Նարեկ Խ․-ն (ծնված 1987 թ․) և Գագիկ Հ․-ն (ծնված 1964 թ․) տեղի ուժերով տեղափոխել են Քաջարանի ԲԿ։

Փրկարարները ավտոմեքենայից դուրս են բերել վարորդի դին և մոտեցրել շտապօգնության ավտոմեքենային։





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ