Էջմիածնում վերանորոգումից հետո բացվել է անձնագրային բաժանմունքը
20:43, 7 Օգոստոս 2020
ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ: Էջմիածնի նորոգված անձնագրային բաժանմունքի բացման հանդիսավոր արարողությունը տեղի է ունեցել օգոստոսի 7-ին, մասնակցել են ոստիկանության պետ Վահե Ղազարյանն ու Էջմիածնի քաղաքապետ Դիանա Գասպարյանը։
Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի և լրատվության վարչությունից, ոստիկանության պետը, քաղաքապետը և ոստիկանության բարձրաստիճան սպաները շրջել ենն նորաբաց բաժանմունքում և ծանոթացել պայմաններին։
Բաժանմունքը հագեցած է համապատասխան տեխնիկայով և հարմարություններով` քաղաքացիներին մեկ պատուհանով բարձրորակ ծառայություն մատուցելու համար։
Ոստիկանության պետը ողջունել է անձնագրային բաժանմունքի աշխատակիցներին, շնորհավորել նրանց ու մաղթել արդյունավետ աշխատանք։
Բաժանորդագրվեք մեր ալիքին Telegram-ում