Արցախի ԱԺ նախագահը հանդիպել է ԿԽՄԿ պատվիրակության ղեկավարի հետ
ՍՏԵՓԱՆԱԿԵՐՏ, 7 ՕԳՈՍՏՈՍԻ, ԱՐՄԵՆՊՐԵՍ: Արցախի Հանրապետության Ազգային ժողովի նախագահ Արթուր Թովմասյանը Ստեփանակերտում հանդիպել է Կարմիր Խաչի միջազգային կոմիտեի պատվիրակության ղեկավար Բերտրան Լամոնի հետ: Ինչպես տեղեկացնում է «Արմենպրես»-ը, այս մասին Թովմասյանը գրել է «Ֆեյսբուք»-ի իր էջում:
Արցախի Ազգային ժողովի նախագահը իր խոսքում բարձր է գնահատել ԿԽՄԿ մարդասիրական առաքելության իրականացումն Արցախում՝ շեշտելով, որ կազմակերպության կողմից չեզոք միջնորդի դերը և հումանիտար շրջանակներում նրանց կողմից իրականացվող գործունեությունն անչափ կարևոր է:
«Համոզված եմ, որ ԿԽՄԿ պատվիրակությունն այսուհետ ևս ակտիվորեն կշարունակի աշխատանքների իրականացումն Արցախում՝ իր լիազորությունների շրջանակներում աջակցելով առկա խնդիրների լուծմանը: Այդ համատեքստում կարևորում եմ նաև պետական կառույցների աջակցությունը և փոխգործակցությունը ԿԽՄԿ-ի հետ»,- գրել է Թովմասյանը:
Բաժանորդագրվեք մեր ալիքին Telegram-ում