Ժամանակը Երևանում՝ 11:07:36,   18 Սեպտեմբեր

«Զվարթնոցում» իրականացվելու է ուղևորների հեռահար ջերմաչափում «խելացի» սաղավարտներով

«Զվարթնոցում» իրականացվելու է ուղևորների հեռահար ջերմաչափում «խելացի» 
սաղավարտներով

ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ: «Զվարթնոց» միջազգային օդանավակայանի ավիացիոն անվտանգության աշխատակիցներն այսուհետև շրջիկ ծառայության ընթացքում ժամանակակից «խելացի» սաղավարտներով հեռահար ձևով կջերմաչափեն ուղևորներին:

«Արմենպրես» հաղորդմամբ՝ այս մասին տեղեկացնում են օդանավակայանից:

«Մինչև կյանքի բնականոն հունին անցնելը, մենք ստանձնեցինք ապահովել ոչ միայն ուղևորների անվտանգ թռիչքները, այլ նաև ապահովել բոլոր անհրաժեշտ պայմանները՝ կորոնավիրուսից վերջիններիս պաշտպանելու համար: «Զվարթնոցում» ուղևորները, ուղեբեռներն ու ձեռքի իրերն անվտանգ կախտահանվեն, օդանավակայանում փակցված հատուկ գծանշանների ու ցուցանակների, տեղադրված պաշտպանիչ բաժանարարների շնորհիվ կապահովվի ինչպես ուղևորների, այնպես էլ մեր աշխատակիցների միջև անհրաժեշտ սոցիալական հեռավորությունը, իսկ ձեռքերի ախտահանման համար տեղադրված են անհրաժեշտ ախտահանիչ հեղուկներ»,- հայտնում են միջազգային օդանավակայանից և հավելում, որ իրենք պատրաստ են դիմակայել համաճարակի բոլոր դժվարություններին:

Համաճարակը մեծ ազդեցություն է թողել «Զվարթնոց» միջազգային օդանավակայանի գործունեության վրա. տարեկան 3 միլիոն ուղևորաշրջանառություն ունեցող ուղևորահոսքը կրճատվել է 98 տոկոսով:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ