Ժամանակը Երևանում՝ 11:07:36,   23 Սեպտեմբեր

Սևան-Գավառ ավտոճանապարհին երեք ավտոմեքենա է բախվել․ կան տուժածներ

Սևան-Գավառ ավտոճանապարհին երեք ավտոմեքենա է բախվել․ կան տուժածներ

ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ: ՀՀ արտակարգ իրավիճակների նախարարության Փրկարար ծառայության ճգնաժամային կառավարման ազգային կենտրոնն օգոստոսի 4-ին, ժամը 17։28-ին ահազանգ է ստացել, որ Սևան-Գավառ ավտոճանապարհի 8-րդ կմ-ի մոտակայքում տեղի է ունեցել ՃՏՊ․ բախվել է երկու ավտոմեքենա, կան տուժածներ։

Ինչպես «Արմենպրես»-ին տեղեկացրին ՀՀ ԱԻՆ տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ ՓԾ Գեղարքունիքի մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Սևան-Գավառ ավտոճանապարհի 8-րդ կմ-ին բախվել են «Lada 2110» (վարորդ՝ Նորայր Մ․, ծնված 1984 թ.), «Mitsubishi Grandis» (վարորդ՝ Արմեն Խ․, ծնված 1982 թ.) և «Lexus» (վարորդ՝ Հարություն Մ․, ծնված 1991 թ․) մակնիշների ավտոմեքենաները:

Փրկարարները Նորայր Մ․-ին և «Mitsubishi» մակնիշի ավտոմեքենայի ուղևոր Պայծառ Ա․-ին (ծնված 1969 թ.) մոտեցրել են շտապօգնության ավտոմեքենային, վերջիններս հոսպիտալացվել են Սևանի ԲԿ, որտեղ բժիշկները տուժածների առողջական վիճակը գնահատել են միջին ծանրության:

Փրկարարները հոսանքազրկել են ավտոմեքենաները և փակել գազի փականները:

 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ