Հնդկաստանը Չինաստանից պահանջում Է զորքերի լիակատար հետքաշում Լադաքից
ԵՐԵՎԱՆ, 3 ՕԳՈՍՏՈՍԻ, ԱՐՄԵՆՊՐԵՍ: Հնդկաստանի ցամաքային զորքերի հրամանատարության ներկայացուցիչները Չինաստանի զինվորականների հետ բանակցությունների հինգերորդ փուլի ընթացքում պնդում են չինական զորքերի լիակատար եւ շուտափույթ հետքաշումն Արեւելյան Լադաքում փաստական վերահսկողության գծից: Ինչպես տեղեկացնում Է «Արմենպրես»-ը, օգոստոսի 3-ին այդ մասին հայտնել Է Hindustan Times թերթը՝ վկայակոչելով զինվորական աղբյուրներ:
«Բանակացությունների նոր փուլի անցկացումը, որին մասնկցել են Հնդկաստանի ցամաքային զորքերի 14-րդ զորակազմի հրամնատար գեներալ Հարինդեր Սինգհը եւ Չինաստանի ժողովրդա-ազատագրական բանակի (ՉԺԱԲ) Սինցզյանի ռազմական օկրուգի հրամանատար Լյու Լինը, պահանջել Է առաջընթացի բացակայությունը Լադաքի մի շարք շրջաններում չինական զորքերի հետքաշման հարցում,- հայտնել են աղբյուրները:- Այսպես, կայացած հանդիպմանը Հնդկաստանը պնդել Է Չինաստանի զորքերի հետքաշումը Պանգոնգ Ցո բարձրլեռնային լճից, որտեղ չինացի զինծառայողները մնացել են իրենց նախկին դիրքերում հակառակ դրանց հետքաշման շուրջը համաձայնությունների, որոնք կողմերը ձեռք Էին բերել հուլիսի 15-ին»:
Նրանց խոսքով՝ զորքերի հետքաշումից հետո Հնդկաստանը եւ Չինաստանը կարող են ձեռնամուխ լինել ստատուս քվոյի վերականգնմանն այդ վիճելի շրջանում եւ հնդիկ եւ չինացի զինծառայողների կողմից դրա պարեկման շուրջն արձանագրության կիրարկմանը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում