Ժամանակը Երևանում՝ 11:07:36,   15 Օգոստոս

Տրանսպորտային պատահար Երևան-Շորժա ավտոճանապարհին․կա զոհ

Տրանսպորտային պատահար Երևան-Շորժա ավտոճանապարհին․կա զոհ

ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ: ԱԻՆ ՓԾ Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի Շորժայի թերակղզում հերթապահություն իրականացնող փրկարարական խումբը օգոստոսի 1-ին՝ ժամը 13։51-ին, Երևան-Շորժա ավտոճանապարհի 47-րդ կմ-ին նկատել է ՃՏՊ և մոտեցել օգնության։ «Արմենպրես»-ի հաղորդմամբ, ՀՀ ԱԻՆ-ը տեղեկացնում է, որ ըստ նախնական տվյալների՝ կա մեկ զոհ և մեկ տուժած։

Պարզվել է, որ Սևան-Ծովագյուղ-Շորժա ավտոճանապարհի 46-րդ կմ-ին «BMW» մակնիշի ավտոմեքենան (վարորդ՝ Կամո Կ․, ծնված 1974 թ․, մեկ ուղևորով) դուրս է եկել ճանապարհի երթևեկելի գոտուց և գլխիվայր շրջվել դեպի ճամփեզրը, ինչից ուղևոր Արամ Ղ․-ն (ծնված 1982 թ․) տեղում մահացել է։

Փրկարարները վարորդին ցուցաբերել են առաջին օգնություն, ով այնուհետև հոսպիտալացվել է Երևան քաղաքի բժշկական կենտրոն։

Փրկարարները նաև հոսանքազրկել են ավտոմեքենան և փակել գազի բալոնի փականը։

 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ